कञ्चनपुर: नेशनल लधुबित्त बित्तिय संस्था लिमिटेडका ग्राहकलाई कन्चनपुरको महेन्द्रनगरमा रहेको मन्त्र हस्पिटलले विशेष छुट दिने भएको छ। भीमदत्त नगरपालिका ३ महेन्द्रनगरमा रहेको मन्त्र अस्पताल एण्ड रिसर्च सेन्टर प्रा.लि. र नेशनल लधुबित्त बित्तिय संस्था लिमिटेडले सम्झौता गरेका हुन। नेशनल लधुबित्त बित्तिय संस्था लिमिटेडका कर्मचारी, ग्राहक सदस्य र तिनका परिवारलाई मन्त्र हस्पिटलले अन्तरङ्ग तथा बहिरङ्ग सेवामा ५ प्रतिशत देखी २५ प्रतिशत सम्म छुट दिने भएको हो।
शय्यामा २५ प्रतिशत, शल्यक्रियामा सात देखि १० प्रतिशत छुट उनीहरूले पाउने छन। सघन उपचार कक्षमा १५ प्रतिशत, क्याबिनमा २० प्रतिशत र औषधीमा पाँच प्रतिशत छुट पाउने सम्झौता भएको मन्त्र अस्पतालका निर्देशक डा. गोबिन्द रोकायाले जानकारी दिनुभयो ।
