अध्यक्ष राजेन्द्र लिङ्देनको नेतृत्वमा राप्रपाका शीर्ष नेताहरु आज कञ्चनपुरमा
झलारी: राष्ट्रिय प्रजातन्त्र पार्टी राप्रपा सुदूरपश्चिम प्रदेशको यात्रा को क्रममा अध्यक्ष राजेन्द्र लिङ्देनको नेतृत्वमा राप्रपाका शीर्ष नेताहरु सुदूरपश्चिम प्रदेशको यात्राको क्रममा आज महेन्द्रनगर पुग्दै छन ।
यात्रा सोमबार बाजुराबाट सुरु भएको राप्रपाका प्रवक्ता मोहन श्रेष्ठले बताए । राप्रपाका शीर्ष नेताहरु सोमबार बाजुराको कोल्टी, मंगलबार अछामको मंगलसेन, बुधबार डोटी, बिहीबार कञ्चनपुर र शुक्रबार कैलाली साडेपानीमा पुग्नेछन् ।
राप्रपा सुदूरपश्चिम यात्राको क्रममा आज महेन्द्रनगर मा हुने आमसभामा रा.प्र.पा अध्यक्ष पूर्व उपप्रधानमन्त्री मा.राजेन्द्र लिङ्देन,प्रमुख सचेतक तथा प्रवक्ता ज्ञानेन्द्र शाही लगायत केन्द्रीय नेताहरु महेन्द्रनगर जाने क्रममा झलारीमा स्वागत तथा पार्टी प्रवेश कार्यक्रम को आयोेजना गरीएको राष्ट्रिय प्रजातन्त्र पार्टीका नेता वीर सिंह साउदले बताउनु भयो ।
कर्णाली यात्रापछि उत्साहित भएर अहिले सुदूरपश्चिम यात्रा गर्न लागेको प्रवक्ता श्रेष्ठले बताए । सुदूरपश्चिमको कुरा सुन्न र आफ्ना कुरा भन्न राप्रपाले यात्रा तय गरेको हो । यसअघि राप्रपाले कर्णाली प्रदेशको यात्रा गरेको थियो ।
