डडेल्धुरा: डडेल्धुरामा २८ जना जुवाडे पक्राउ परेका छन् । जिल्लाको गन्यापधुरा गाउँपालिका वडा नं –३ गोयलखेतमा जुवातास खेलीरहेको गोप्य सूचना प्राप्त भएपछि खटिएको प्रहरी टोलीले उनीहरुलाई पक्राउ गरेको हो ।
जिल्ला प्रहरी कार्यालय डडेल्धुराका प्रहरी निरीक्षक डम्बर बिष्टको कमाण्डमा खटिएको प्रहरी टोलीले बिहीबार राति पौने १ बजेको समयमा २८ जनालाई नगद ४ लाख ४१ हजार ८६९ रुपैया र १६ प्याकेट ताससहित पक्राउ गरिएको हो । पक्राउ परेकाहरुको नाम सार्वजनिक गरिएको छैन् ।
उनीहरुलाई प्रहरी हिरासतमा राखेर थप अनुसन्धान भइरहेको डडेल्धुरा प्रहरीले जनाएको छ ।
