महाकाली सुनचाँदी व्यवसायी संघको झलारीमा तीज विशेष कार्यक्रम

प्रमुख अतिथि लेखकले महिलाहरूको धार्मिक आस्था र सांस्कृतिक गतिविधिहरूलाई सम्मान गर्दै समाजमा महिला सशक्तिकरणको आवश्यकता रहेको जोड दिनुभएको छ । उहाँले तिज पर्वलाई मात्र धार्मिक उत्सवको रूपमा नभएर सामाजिक एकता र परम्पराको संरक्षणका अवसरको रूपमा पनि हेर्नु पर्नु भयो । सुन चाँदी व्यबसायीहरुकै कला र सिपबाट बनेका गहनाहरु लगाएर मेला महोत्सव, तिज मनाउने भएकाले यस पेशाको सम्मान र सरक्षण गर्नुपर्ने बताउनुभयो । कार्यक्रममा स्वागत मन्तव्य सुनचाँदी व्यावसायी संघका निवर्तमान चन्द्रकान्त लामिछानेले गर्नुभएको थियो ।
कार्यक्रमको अवसरमा महिलाहरूले तिज पर्वको विशेष पारम्परिक गीत र नृत्य प्रस्तुत गरेका छन् । कार्यक्रमले सांस्कृतिक समृद्धि र सामूहिक खुशीको वातावरण सिर्जना गर्दै स्थानीय समुदायको सम्बन्धलाई अझ बलियो बनाएको महाकाली सुन चाँदी व्यावसायी संघले बताएको छ । कार्यक्रममा सबै व्यावसायीहरु सहभागिरहेका थिए ।